ess saal ki aakhri dhalti shaam key saath
teri yaddon key sooraj ko bhi alwida ker doon ga

ab key baad rat-jagoon ka yeh safar
chaand ko tanha hi taye kerna ho ga.

mein terey jhootey sachey lafzoon sey banney
kachey pakkey rishtun ki kamzoor doori ko
key jissey joortey joortey khud toot gya hoon
ussey khud hi toor daloon ga
key bohat jheel lia dard
teri majboorion key hijaboon ka
kissi kitab mein rakh key
bhooley hovey murjhaye gulaboon ka

yaqeee’N aur bey yaqeeni ki
aankh machooli sey bantey
taptey hovey siraboon ka

teri wapsi ki rah takti
pathrayee hoi aankhoon ki palkoon per
bikhrey hovey chand khawaboon ka
na khatam hooney waley azaaboon ka

ab ki baar khushion ki pehli kirn
merey dil mein phootey gi
aur naye saal ki pehli sehar
merey ander key sab aansoo nikaal ker
dharti ki goud shabnam sey bher dey gi

Touseef – Dec 16th, 2003, 03:20 PM

This is pretty old poem by me shared/appreciated on Gup Shup board. Just felt like sharing it on the new year on my blog too.

Just wanted to share this poem on Ramadan I wrote few years back and have a little prayer for this upcoming Holy Month.

faqt ik qatra aanso Ramadan ki pyaas hey!

Mallal ki gharri ho,
sar uth jaye Khuda ki terf,
aankh mein kuch nammi tu aaye

Mehromiat ka ho ehsaas,
ik aah ban key dil mein dab jaye,
a’shk aik hi nikley, kuch aajzi tu aaye

Ya tashakur key hooN jazbaat
qadmoN mein us key gir jaye
Izhaar ki surat mein kuch bandgi tu aaye

na gunwana essey, bas essi ki hi aas hey
Tauba kerna ka tujhey kuch ehsaas hey?
faqt ik qatra aanso Ramadan ki pyaas hey!

Let’s hope Allah Kareem help us spend this holy month of Ramadan in a better way. Let’s pray that this Ramadan kareem we repent before our Creator and get the companion ship of Holy Prophet in Jannah.

Aaye dua kerien key yeh Ramadan hammarey ander key saarey gand nikal ker hamien sheeshey ki terhah shafaaf ker dey.

Aaye dua kerien key es daffa ki eid pey hamien wahi khushu haasil ho ju Hazrat Muhammad (Peace be upon him) ney bataya hey key rooza daar ko hoti hey .

Ameen!

Aaj kal baarishien kaafi zoor-shoor sey ho rhi hein. so I thought to share one of my poem on pehli baarish with you guys. I hope you will like it.

Rut ki pehli shararat mein
khuley aasman taley
badiloon ki chatri aurhey
thandi hawa ki athkelion mien
neher kinaarey lambi serrk pey
matti ki khushbu key sang
barish key jhoomtey naachtey qatrey saath liey
door tak chalna
kitna acha lagga
teri sangat mein

hmmm. pretty impressive na?1?

Please share your comments on it.